துபாய்:
சர்வதேச கிரிக்கெட் கவுன்சிலின் (ஐ.சி.சி.) ஒருநாள் கிரிக்கெட் தர வரிசைப்பட்டியலில் ஏற்கனவே 12 அணிகள் உள்ளன.
தற்பேது மேலும் 4 புதிய அணிகள் சேர்க்கப்பட்டுள்ளன. ஸ்காட்லாந்து, ஐக்கிய அரபு எமிரேட்ஸ், நெதர்லாந்து, நேபாளம் ஆகிய அணிகள் புதிதாக சேர்க்கப்பட்டுள்ளன.
ஸ்காட்லாந்து, ஐக்கிய அரபு எமிரேட்ஸ் ஆகிய அணிகள் 13-வது மற்றும் 14-வது அணிகளாக இணைக்கப்பட்டு உள்ளார். தரவரிசைப்பட்டியலில் இணைய குறைந்தது 4 ஒருநாள் சர்வதேச போட்டிகளில் ஆடி இருக்க வேண்டும்.
நெதர்லாந்து, நேபாளம் ஆகிய அணிகள் இத்தனை போட்டிகளில் ஆடிய பிறகு தரவரிசையில் சேர்க்கப்படும்.
இந்த புதிய அணிகள் சேர்க்கையினால் 12 அணிகளின் தரவரிசையில் மாற்றம் ஏற்படாது. இந்த 4 அணிகள் சேர்க்கப்பட்டு இருப்பதால் இவற்றுடன் ஆடும் ஒருநாள் போட்டிகளும் இனி தரவரிசை புள்ளிகள் கணக்கீட்டில் சேர்த்து கொள்ளப்படும்.
கடந்த ஆண்டு ஐ.சி.சி. உலக லீக் போட்டியில் வென்றதன் மூலம் நெதர்லாந்து அணி ஒருநாள் போட்டிக்கான அந்தஸ்சை பெற்றது.
ஐ.சி.சி. ஒருநாள் போட்டி தரவரிசையில் உள்ள அணிகள் விவரம்:-
1. இங்கிலாந்து (125 புள்ளகள்), 2. இந்தியா (122), 3.தென்ஆப்பிரிக்கா (113), 4.நியூசிலாந்து (112), 5. ஆஸ்திரேலியா (104), 6.பாகிஸ்தான் (102), 7. வங்காளதேசம் (93), 8.இலங்கை (77), 9.வெஸ்ட்இண்டீஸ் (69), 10. ஆப்கானிஸ்தான் (63), 11.ஜிம்பாப்வே (55), 12.அயர்லாந்து (38), 13.ஸ்காட்லாந்து (28), 14.ஐக்கிய அரபு எமிரேட்ஸ் (18). #ICC
